शेअर बाजार संबंधी योजनेत गुंतवणूक का करावी?

शेअर बाजारात जोखीम निश्चितच असते पण तिचा प्रभाव आपल्या मूळ गुंतवणुकीवर काही काळासाठीच  पडत असतो, दीर्घ काळात मात्र गुंतवणुकीतून भरपूर फायदाच होत असतो कारण दीर्घ मुदतीत बाजारात तेजी येतच असते. अर्थशास्त्राचा एक नियम आहे ज्याची किंमत वर जाते ती काही काळानंतर खाली येतेच आणि खाली आलेली किंमत परत वर जातेच.हे चक्र सतत चालू असते.

मुंबई स्टॅाक एक्सचेंजचा सेन्सेक्स वर्ष १९७९ मध्ये १०० पॅाइंट ने सुरु झाला होता./ आज तो जवळपास ३५३७२ आहे म्हणजेच गेल्या ३७/३८ वर्षापूर्वी जर का तुम्ही १०० रुपये सेन्सेक्स मध्ये गुंतवले असते तर आज त्या गुंतवणुकीचे मूल्य ३५३७२ एवढे झाले असते . खालील टेबल पहा :

वरील टेबलवरून तुमच्या लक्षात येईल की १०० अंकांनी १९७९ मध्ये सुरु झालेला सेन्सेक्स २०१८ च्या जुलै मध्ये ३७४९४ पर्यंत वाढत गेला, मात्र हा प्रवास एकाच वरच्या (तेजीच्या ) दिशेने झालेला नसून तो वर खाली होत या टप्प्यावर पोहोचला आहे. त्याचा प्रवास पहा, १९९२ मध्ये ४५४६ पर्यंत वर गेला, येथे हर्षद मेह्ताचा घोटाळा उघड झाला व त्याच वर्षी तो १५०० अंकापर्यंत खाली आला, पण त्याच वर्षात परत तो २६१५ अंकापर्यंत वर चढला, पुढे २००० साली तो ६१५० पर्यंत वाढला यानंतर आय.टी. कंपन्यांचा फुगा सगळ्या जगातच फुटला आणि २००१ साली तो २५९४ पर्यंत खाली आला, तेथून जानेवारी २००८ मध्ये तो २१००० ची पातळी तोडून वर गेला इथे अमेरीकेत सबप्राइमचे संकट उभे ठाकले व तो ७६९७ पर्यंत खाली आला पण पुढील वर्षीच तो १७५३० पर्यंत वर गेला. दोन वर्षांपूर्वी तो  २९०००पर होऊन गेला होता परत २२००० पर्यंत खाली येऊन आता तो ३७५०० पार झालेला आहे. यातून एक गोष्ट समजून येईल की मंदी हि फार कमी काळासाठी (एक वर्ष किंवा कमी) असते व नंतर येणारी तेजी ही दीर्घ काळासाठी (३ ते ५ वर्षे) असते.